‘पुरानो घर, पुरानी बुढी, आइडिया चै कहाँबाट नयाँ ल्याउँ मैले ।’ झट्ट सुन्ने वित्तिकै तपाइको मुखमा यो संवाद झुण्डिन सक्छ ।
चैत्र ७ गतेलाई प्रदर्शन मिति तय गरेर प्रचार प्रसारमा उत्रिएको चलचित्र ‘फिटकिरी’को निर्माणपक्षले आइतबार काठमाण्डौमा एक कार्यक्रमको आयोजना गर्यो । अर्जुन कुमार र सुमित मैनालीले निर्माण गरेको यो सि
चलचित्रमा यज्ञशको लेखन, पुरुषोत्तम प्रधानको छायांकन, अर्जुन कुमार र गिरिशको संगीत छ । यो चलचित्रमा सौगात मल्ल, दीया मास्के, निश्चल बस्नेत, शान्ती गिरी, लक्ष्मी गिरी, धिरेन्द्र प्रेमहर्सी लगायतका कलाकारले अभिनय गरेका छन् ।
चलचित्रको प्रोमो सार्वजनिक भएलगतै यसले चर्चा पाएको छ । कार्यक्रममा उपस्थित पत्रकार तथा चलचित्रकर्मीले प्रोमोलाई रुचाएका थिए । मेघा इन्टरटेन्मेन्टको ब्यानरमा तयार भएको यो चलचित्रले काठमाण्डौ शहरका केही भिन्न आर्थिक सामाजिक पृष्ठभूमिका चरित्रहरुले भोग्ने जीवनका अनेक रंगलाई दर्शाउने प्रयास गरेको छ ।
रंगमञ्चमा चर्चा बटुलेका अनुप बरालले निर्देशन गरेकाले पनि यो सिनेमा प्रतिक्षामा छ । अर्कोतिर ‘लुट’ निर्देशक निश्चल बस्नेतको अभिनयले ‘फिटकिरी’लाई रोचक बनाएको छ । कार्यक्रममा चलचित्रको अडियो पनि बिमोचन गरिएको थियो । चलचित्रमा समावेश गीतमा भूपेन्द्र खड्काको शब्द, किरण तुलाधरको पाश्र्व संगीत छ ।
Post a Comment